Evolution of the principles and the thirteenfold instrument

SK 22

prakṛter mahāṃs tato ’haṃ-kāras tasmād gaṇaś ca ṣoḍaśakaḥ tasmād api ṣoḍaśakāt pañcabhyaḥ pañca bhūtāni.

SK 23

adhyavasāyo buddhir dharmo jñānaṃ vi-rāga aiśvaryam sāttvikam etad-rūpaṃ tāmasam asmād viparyastam.

SK 24

abhimāno ’haṃ-kāras tasmād dvi-vidhaḥ pravartate sargaḥ ekādaśakaś ca gaṇas tan-mātraḥ pañcakaś caiva.

SK 25

sāttvika ekādaśakaḥ pravartate vaikṛtād ahaṃ-kārāt bhūtādes tan-mātraḥ sa tāmasas taijasād ubhayaṃ.

SK 26

buddhīndriyāṇi cakṣuḥ-śrotra-ghrāṇa-rasana-tvag-ākhyāni vāk-pāṇi-pāda-pāyū-’pasthān karmendriyāny āhuḥ.

SK 27

ubhayātmakam atra manaḥ saṃkalpakam indriyaṃ ca sā-dharmyāt guṇa-pariṇāma-viśeṣān nānātvam bāhya-bhedāc ca.

SK 28

śabdādiṣu pañcānām ālocana-mātram iṣyate vṛttiḥ vacanādāna-viharaṇotsargānandāś ca pañcānām.

SK 29

svā-lakṣaṇyaṃ vṛttis trayasya sā eṣā bhavaty a-sāmānyā sāmānya-karaṇa-vṛttiḥ prāṇādyā vāyavaḥ pañca.

SK 30

yugapac catuṣṭayasya tu vṛttiḥ kramaśaś ca tasya nirdiṣṭā dṛṣṭe tathā ’py a-dṛṣṭe trayasya tat-pūrvikā vṛttiḥ.

SK 31

svāṃ svām pratipadyante paras-parākūta-hetukāṃ vṛttim puruṣārtha eva hetur na kena cit kāryate karaṇam.

SK 32

karaṇaṃ trayodaśa-vidhaṃ tad āharaṇa-dhāraṇa-prakāśa-karam kāryaṃ ca tasya daśadhā hāryaṃ, dhāryam prakāśyaṃ ca.

SK 33

antaḥ-karaṇaṃ tri-vidhaṃ daśadhā bāhyaṃ trayasya viṣayākhyam sāmprata-kālam bāhyaṃ tri-kālam ābhy-antaraṃ karaṇam.

SK 34

buddhīndriyāṇi teṣām pañca viśeṣāviśeṣa-viṣayāṇi vāg bhavati śabda-viṣayā śeṣāṇi tu pañca-viṣayāṇi.

SK 35

sāntaḥ-karaṇā buddhiḥ sarvaṃ viṣayam avagāhate yasmāt tasmāt tri-vidhaṃ karaṇaṃ dvāri dvārāṇi śeṣāṇi.

SK 36

ete pradīpa-kalpāḥ paras-para-vi-lakṣaṇā guṇa-viśeṣāḥ kṛtsnam puruṣasyā’rtham prakāśya buddhau prayacchanti.

SK 37

sarvam pratyupabhogaṃ yasmāt puruṣasya sādhayati buddhiḥ sā eva ca viśinaṣṭi punaḥ pradhāna-puruṣāntaraṃ sūkṣmam.