Resolution of doubts on the isolation of body (Chapter Two)

CMP 2.1

pañcaskandhāḥ samāsena pañcabuddhāḥ prakīrtitāḥ / vajra-āyatanānyeva bodhisattvāgryamaṇḍalam //

CMP 2.2

pṛthivī locanā khyātā abdhāturmāmakī smṛtā / pāṇḍarākhyā bhavettejastārā vāyuḥ prakīrtitā //

CMP 2.3

rūpaśabdādibhirmantrī devatāṃ bhāvayet sadā //

CMP 2.4

ityuktaṃ bhagavatā śrīguhyasamājamahāyogatantre /

CMP 2.5

kulāḥ śatavidhāḥ proktāḥ saṃkṣepeṇa tu pañcadhā / punastrividhatāṃ yānti kāyavākcittabhedataḥ //

CMP 2.6

"pañcaskandhāḥ samāsena pañcabuddhāḥ prakīrtitāḥ /"

CMP 2.7

pañcahṛdayamāśritya pañcatanuvinirgatam / pañcavāyusamāyuktaṃ pañcakāmopabhogakṛta // iti /

CMP 2.8

prakramaṇāt prāṇāyāmāccendriyadvāraistantubhiḥ / prakramate sadā kālaṃ prāṇa ityabhidhīyate //

CMP 2.9

vātamūtrapurīṣāṇāṃ śukrādīnāṃ tathaiva ca / apanayanādapāno 'yaṃ yogibhirlakṣyate sadā //

CMP 2.10

aśitaṃ khāditaṃ lehyaṃ peyaṃ coṣyañca sarvataḥ / samānayati yo nityaṃ samāna iti cocyate //

CMP 2.11

ūrdhvagamāt saṃharaṇād bhakṣyabhojyādibhakṣaṇāt / udānakarmavijño 'yaṃ jñānena sahayogataḥ //

CMP 2.12

vyāpanaṃ dhāraṇaṃ caiva gamanāgamanādikam / sarvasandhiṣu vyāptatvād vyāna ityabhidhīyate //

CMP 2.13

pṛthivī locanā khyātā abdhāturmāmakī smṛtā / tejaḥ pāṇḍarā khyātā vāyustārā prakīrtitā //

CMP 2.14

skandhaśca dhātuśca tathaivendriyaṃ ca pañcaiva pañcaiva kṛtaprabhedāḥ / tathāgatādhiṣṭhita ekaikaśaḥ saṃsārakarmāṇi kuto bhavanti //

CMP 2.15

tathā sabāhyā viṣayāśca pañca ekaikaśaḥ pañcatathāgataiśca / svakasvakā nityamadhiṣṭhitāste jñānatrayaṃ pañcasamāśritaṃ ca //

CMP 2.16

khadhātumadhyagataṃ cintenmaṇḍalaṃ sarvavajrajam / saṃhāraṃ ca prakurvīta yadīcchecchāntavajradhṛg // iti /

CMP 2.17

pañcātmakaṃ pañcabhireva bhūtairdṛṣṭaṃ narāṇāṃ niyataṃ śarīram / tabhdāvabhāvairniyataṃ svacittaṃ prabhāvayantaḥ prabhavanti buddhāḥ // iti /

CMP 2.18

khasamatantre 'pyāha- pañcabuddhātmaku sarvajago 'yaṃ paśyasu citraku nāṭaku divyam / yatra hi eku mahāsuhanāmā nṛtyati eku aneka rasena // iti /

CMP 2.19

"saṃkṣepeṇa tu pañcadhā"

CMP 2.20

kāyavākcittanidhyaptaiḥ svabhāvo nopalabhyate / mantramūrtiprayogeṇa na bodhirna ca bhāvanā //

CMP 2.21

vicāryedaṃ samāsena kāyavākcittalakṣaṇam / bhāvayedvidhisaṃyogaṃ samādhiṃ mantrakalpitam // iti /

CMP 2.22

na yogaḥ pratibimbeṣu niṣiktādiṣu jāyate / bodhicittamahāyogayoginastena devatāḥ //

CMP 2.23

ātmā vai sarvabuddhatvaṃ sattvasauritvameva ca / svādhidaivadya(ta)yogena tasmādātmaiva sādhayet // iti /

CMP 2.24

mantranidhyaptikāyena vācā manasi coditaḥ / sādhayet pravarāṃ siddhiṃ manaḥsantoṣaṇapriyām //

CMP 2.colophon

kāyavivekamelāvaṇasaṃśayaparicchedo dvitīyaḥ // 2 //