Resolution of doubts on the isolation of speech (Chapter Three)

CMP 3.1

pañcavarṇaṃ mahāratnaṃ sarṣapasthūlamātrakam / nāsikāgre prayatnena bhāvayedyogataḥ sadā // iti /

CMP 3.2

pañcajñānamayaṃ śvāsaṃ pañcabhūtasvabhāvakam //

CMP 3.3

niścārya padmanāsāgre piṇḍarūpeṇa kalpayet / pañcavarṇaṃ mahāratnaṃ prāṇāyāmamiti smṛtam //

CMP 3.4

atha bhagavān mahāvajrī vajrajāpārthabhāṣiṇam / pratyuvāca tataḥ samyakpraṇamyaikaṃ jagadruruḥ //

CMP 3.5

laukikāgamamevedaṃ bodhicittaṃ prakāśitam //

CMP 3.6

lokottaraṃ kathaṃ nāma pratipatsyantyāgāmikāḥ //

CMP 3.7

sarvadṛṣṭiprahāṇāya tvayā dharmo hi deśitaḥ / tat kathaṃ bodhicittaṃ tu sā dṛṣṭiḥ sudṛḍhīkṛtā //

CMP 3.8

uktamarthaṃ na budhyanti saṃdhyāyavākyamohitāḥ / yathārutaṃ te gṛṇhanti tathaiva hi pacanti ca //

CMP 3.9

atha bhagavān viśvo vajrapāṇiṃ vadet tataḥ / sādhu sādhu ca guhyeśa vyākṛtāgāmikā tvayā //

CMP 3.10

bodhicittaṃ bhavedvāyurambare ca vyavasthitaḥ / prāṇabhūtaśca sattvānāṃ pañcātmā daśasaṃjñakaḥ //

CMP 3.11

pratītyadvādaśāṅgākhyaṃ svabhāvāt tritayaṃ bhavet / sarvendriyapradhānedaṃ vāyvākhyaṃ bodhicittakam //

CMP 3.12

avyaktaṃ sūkṣmamityevaṃ vyaktamityucyate sadā / tadāśrayāttu karmāṇi kuryādviṣayādikaṃ janaḥ //

CMP 3.13

śāntikaṃ pauṣṭikaṃ caiva vaśyābhicārakaṃ tathā / bodhicittātu tatsarvaṃ tritattvanilayāśrayā[t] //

CMP 3.14

yāvaccālokasaṃketāḥ kalpitā vividhāstathā / bhavanti bodhicittāttu vikalpā vāyutaḥ sadā //

CMP 3.15

sukhaduḥkhādiko dharmo bījādeva vidhīyate / bodhicittasvabhāvo 'sau skandhādyadvayakopamaḥ //

CMP 3.16

prajñopāyaikayogena bodhicittaṃ jagad bhavet //

CMP 3.17

svayaṃ samuccaretsvāmī dhyānādhyayanavarjitaḥ //

CMP 3.18

divārātrivibhāgena candrasūryaprayogataḥ / niśvāso [hi] jagadvyāpī bodhicittaikamārutaḥ //

CMP 3.19

śubhāśubhaphalaṃ tyaktvā bhavatyeva nabhopamaḥ // iti /

CMP 3.20

prāṇāpānasamānākhyānudānavyānasaṃjñakān / nāgakūrmakṛkarāṃśca devadattadhanañjayān //

CMP 3.21

kṛtvaitadātmano bimbaṃ strītattvaṃ nirmāya te punaḥ // iti /

CMP 3.22

koṭākṣaḥ koṭavaḥ koṭāḥ koṭābhaśca koṭīrakaḥ / kolākṣaḥ kolāvaḥ kolaḥ kolābhaśca kalistathā //

CMP 3.23

nāsikācchidrasaṃbhūtaḥ pañcabuddhakulasthitaḥ / pañcavāyurdhvasañcāro dehe carati nityaśaḥ //

CMP 3.24

saṃvṛtighrāṇasañcārād dvārāttasya vinisṛtāḥ / vāmadakṣiṇadvandvāśca stabdhaścaite caturvidhāḥ //

CMP 3.25

dakṣiṇāt prasaro dhāturhutabhuṅmaṇḍalañca vai / raktavarṇamidaṃ vaktraṃ padmanāthasya sañcaret //

CMP 3.26

vāmācca prasaro dhāturvāyumaṇḍalaniḥsṛtaḥ / haritaḥ śyāmasaṃkāśaḥ karmanāthasya sañcaret //

CMP 3.27

dvandvasya prasaro dhātuḥ kanakavarṇasya satribhaḥ / māhendramaṇḍalañcaiva ratnanāthasya sañcaret //

CMP 3.28

stabdho na prasaro dhātuḥ kṣaṇādvāruṇamaṇḍalaḥ / śuddhasphaṭikasaṃkāśaṃ vajranāthasya sañcaret //

CMP 3.29

sarvadhātuṃ samuddhṛtya hyādhārādheyadhāritaḥ / vairocanamahākāyo maraṇānte viniścaret //

CMP 3.30

caturmaṇḍalametaddhi japennityaṃ samāhitaḥ / ahorātraṃ sadā jāpo mantriṇāṃ japasaṃkṣa(khya)yā //

CMP 3.31

ekādirnavamadhye tu daśabhiryo na badhyate / tamabaddhaṃ vijānīyāt sa vetti paramaṃ padam //

CMP 3.32

svaravyañjanavarṇāṃśca navasaṃkhyānuvartinaḥ / abaddhānyonyasaṃyogā yo vetti sa jagadruruḥ //

CMP 3.33

yo buddhā(ddhvā)vāñcchayet siddhiṃ vimuktiphalasampadam / sa tadeva samāpnoti arūpo rūpavarjitam //

CMP 3.34

bhūtāntena samāyuktaṃ kalādiṣoḍaśe sthitam / pañcapañcakasaṃyuktaṃ catusrayaniyojitam //

CMP 3.35

sānusvāraṃ sadīrghaṃ ca guṇasaṃyogalopavat / hrasvaṃ samastavākyaṃ syānna cānekaṃ na caikakam //

CMP 3.36

yakārārthena yatkiñcit kartavyaṃ siddhimicchatā / rephāditritayenaiva jagatkāryaṃ pravartate //

CMP 3.37

ye varṇāḥ pṛṣṭhataḥ proktā abhimukhāśca ye punaḥ / strīpunnapuṃsakāste ca dhātvādiparikalpitāḥ //

CMP 3.38

adha ūrdhvasamāyuktā jñātvā buddhyā niyojitāḥ / ṣaḍbhiruktaṃ catustrai(stryai)kānniḥsvabhāvaikabhāvajām //

CMP 3.39

trā(tryā)dyādyarthe samāyoja(jya) tryadhvajñānaṃ tu jāyate / svapnendrajālava dvidhvā kuryājjagat tridhātuke //

CMP 3.40

pratyāhāramidaṃ mantraṃ niḥsvabhāvasvabhāvajam / tataḥ pariṇataṃ rūpaṃ yad daivatopalambhakam //

CMP 3.41

sāṃketikaṃ tritattvasthaṃ prakṛtijāpalakṣaṇam / anākhyeyamanuccāryaṃ bodhicittamidaṃ param //

CMP 3.42

tadeva tritayaikaṃ syādanirgamamanāgamam / anirodhaḥ praśāntaśca śāśvatocchedavarjitam //

CMP 3.43

trayadhvavidākṛtasaṃkalpamākāśābhedalakṣaṇam / pāramārthikamevedaṃ pratyātmavedyalakṣaṇam //

CMP 3.44

sarvāsvapi kriyāścai(svai)va niṣadyādiṣu yogavit / anākhyeyamanuccāryaṃ tryadhvātītaṃ japet sadā //

CMP 3.45

pāṇḍarādi japaḥ(pāḥ) proktāḥ pañcaviṃśacchatadvayam / caturbhirguṇitaṃ samyak caturyogaṃ śataṃ nava //

CMP 3.46

navaśataṃ tu yad dṛṣṭaṃ caturviśatiparikramaiḥ / pratyutpādād bhavettatu dvyayutaṃ śataṣoḍaśam //

CMP 3.47

taditthaṃ guhyasandhyāyāṃ sūkṣmayogaṃ prakāśitam / dhyānādhyayanavītaṃ tu tathāpi japa ucyate //

CMP 3.48

akāraḥ sarvavarṇāgryo mahārthaḥ paramākṣaraḥ / mahāprāṇo hyanutpādo vāgudāhāravarjitaḥ / sarvābhilāpahetvagryaḥ sarvavāksuprabhāsvaraḥ // iti /

CMP 3.49

jvalantaṃ dīpasadṛśaṃ hṛdi madhyamanāhatam / akṣaraṃ paramaṃ sūkṣmam akāraṃ paramaṃ prabhum // iti /

CMP 3.50

dharmā ime śabdarutena vyākṛtā dharmaśca śabdaśca hi nātra labhyate / na caikatāṃ cāpyavatīrya dharmatām anuttarāṃ kṣāntivarāṃ spṛśiṣyate // iti /

CMP 3.colophon

vāgvivekamelāvaṇasaṃśayaparicchedastṛtīyaḥ // 3 //