Resolution of doubts on conventional truth (Chapter Six)

CMP 6.1

indrāyudhanibhaṃ kāyaṃ labhate tattvabhāvanāt // iti /

CMP 6.2

skandhe ca dhātvāyatanendriyādau jñānadvaye tatra samaṃ sthite 'smin / śūnye mahattve sati yaḥ prasuptaḥ svapnaṃ prapaśyet khalu vātavegāt //

CMP 6.3

svapne prabuddhe ca na cānyabhedaḥ saṃkalpayet svapnaphalābhilāṣī / rātriṃdivā svapnamupaiti jantuṃ mahīghanatve sucireṇa suptaḥ //

CMP 6.4

phale na pakve kṛtakarmaṇaśca vāyuḥ punaḥ krāmati janmanīha / pakvaṃ phalaṃ syād gata eva vāyuḥ paratra śīghraṃ maraṇaṃ hi loke //

CMP 6.5

yatha jinendro daśadigvyavasthito majjāsthimāṃsaṃ na ca tasya kāye / praveśayet sattvahitāya dhātunirmāṇakalpena karoti kṛtyam //

CMP 6.6

evaṃ kramājjāgrati suptacittaḥ phalaṃ ca vāñchet savikalpajālam / svapnopamāste khalu sarvadharmā mṛṣāmṛṣāścāpyubhayorabhāvaḥ // iti /

CMP 6.colophon

saṃvṛtisatyamelāvaṇasaṃśayaparicchedaḥ ṣaṣṭhaḥ // 6 //