Book 1
Imperial Greek Anthology Greek- Philippus
Πεντάμετρον μόνον Ἰίαίρβ θεὰ Παφίη· σὴν γὰ̆ ἀεὶ δύναμιν
κάλλος τʼ ἀθάνατον καὶ σέβας ἰμβρόβν
πάντες τιμῶσιν θνατοὶ ἐφαμέριοι
ἐν πᾶσιν μύθοις ἔργοισίν τε καλοῖς·
πάντῃ γὰρ πᾶσιν σὴν δηλοῖς τιμήν.
- Phaedimus
τρίμετρον Καλλίστρατός σοι, Ζηνὸς ὦ διάκτορε,
ἔθηκε μορφῆς ξυνὸν ἥλικος τύπον
Κηφισιεὺς ὁ κοῦρος· ᾧ χαρείς, ἄναξ,
Ἀπολλοδώρου παῖδα καὶ πάτραν σάω.
- Theocritus
χωλὸν τρίμετρον ὁ μουσοποιὸς ἐνθάδʼ Ἱππῶναξ κεῖται.
εἰ μὲν πονηρός, μὴ ποτέρχευ τῷ τύμβῳ·
εἰ δʼ ἐσσὶ κρήγυός τε καὶ παρὰ χρηστῶν,
θαρσέων καθίζευ, κἢν θέλῃς, ἀπόβριξον.
- Anacreon
τετράμετρον ἀλκίμων σ’, ὦ ʼριστοκλείδη, πρῶτον οἰκτείρω φίλων
ὤλεσας δʼ ἥβην, ἀμύνων πατρίδος δουληίην.
- Phalaecus
τρίμετρον μείουρον ἢ κόλουρον νικῶ δίαυλον. ἀλλʼ ἐγὼ παλαίων.
ἐγὼ δὲ πεντάεθλον. ἀλλʼ ἐγὼ πύξ. —
καὶ τίς τύ; — Τιμόδημος. ἀλλʼ ἐγὼ Κρής.
ἐγὼ δὲ Κρηθεύς. ἀλλʼ ἐγὼ Διοκλῆς. —
καὶ τίς πατήρ τοι; — Κλεῖνος. ὥσπερ ἄμμιν. — Ἔμπη δὲ νικῇς; — Ἰσθμοῖ. — τὺ δʼ ἔμπη; —
Νέμειον ἂν λειμῶνα, καὶ παρʼ Ἥρᾳ.
- Phalaecus
ἑνδεκασυλλάβιον τρίμετρον οὕτω καλούμενον τοῦτʼ ἐγὼ τὸ περισσὸν εἰκόνισμα
τοῦ κωμῳδογέλωτος, εἰς θρίαμβον
κισσῷ καὶ στεφάνοισιν ἀμπυκασθέν,
ἔστασ’, ὄφρα Λύκωνι σᾶμʼ ἐπείη.
ὅσσα γὰρ † καθύπερθε λαμπρὸς ἁνήρ·
μνᾶμα τοῦ χαρίεντος ἔν τε λέσχᾳ
ἒν τʼ οἴνῳ τόδε κἄτι τοῖς ἔπειτα
ἄγκειται, παράδειγμα τᾶς ὀπωπᾶς.
- Callimachus
κωμικὸν τετράμετρον ὁ Λύκτιος Μενοίτας τὰ τόξα ταῦτʼ ἐπειπὼν
ἔθηκε· “τῆ, κέρας τοι δίδωμι καὶ φαρέτρην,
Σάραπι· τοὺς δʼ ὀιστοὺς ἔχουσιν Ἑσπερῖται.”
- Theodoridas
Ἑσπερῖται τετράμετρον Ἀρχιλόχειον ἐκ δολίχου τόνδε σφυρήλατον, ὡς τάχει κρατήσας,
Πᾶις Ἀριστομάχειος ἀνείλετο χάλκεον λέβητα.
- Callimachus
Πεντάμετρον βακχικόν. ἔστι δʼ οὐ τέλειον τὸ ἐπίγραμμα ἔρχεται πολὺς μὲν Αἰγαῖον διατμήξας ἀπʼ οἰνηρῆς Χίου
ἀμφορεύς, πολὺς δὲ Λεσβίης ἄωτον νέκταρ οἰνάνθης ἄγων.
- Callimachus
τετράμετρον ἑκκαίδεκα συλλαβῶν. οὐ δὲ τοῦτο τέλειον ἁ ναῦς, ἃ τὸ μόνον φέγγος ἐμὶν τὸ γλυκὺ τᾶς ζόας
ἅρπαξας, ποτὶ τὲ Ζανὸς ἱκνεῦμαι λιμενοσκόπω . . .
- Simonides
πεντάμετρον ὑπορχηματικόν
α. τίς εἰκόνα τάνδʼ ἀνέθηκεν; β. Δωριεὺς ὁ Θούριος.
α. οὐ Ῥόδιος γένος ἦν; β. ναί, πρὶν φυγεῖν γε πατρίδα,
δεινᾷ γε χειρὶ πολλὰ ῥέξας ἔργα καὶ βίαια.
- Hegesippus
ἐπὶ ἑξαμέτρου τρίμετρον ἐπαδόμενον ἐρρέτω ἦμαρ ἐκεῖνο, καὶ οὐλομένη σκοτόμαινα,
βρόμος τε δεινὸς ἠνεμωμένης ἁλός,
οἵ ποτε νῆʼ ἐκύλισαν, ἐφʼ ἧς ὁ τὰ πολλὰ μελίφρων
Ἀβδηρίων ἄπρηκτα θεοῖσιν εὔχετο·
ῥαίσθη γὰρ διὰ πάντα, προσηνέχθη δὲ κλύδωνι
τρηχεῖαν εἰς Σέριφον, αἰδοίων ὅθι
προξείνων ὑπὸ χερσὶ λαχὼν πυρός, ἵκετο πάτρην
Ἄβδηρα, κρωσσῷ χαλκέῳ περισταλείς.
- Anonymi Epigrammatici
ἐπὶ ἑξαμέτρῳ πεντάμετρον, εἶτα τρίμετρον τόνδε Πύρης ἀνέθηκε Πολυμνήστου φίλος υἱός,
εὐξάμενος δεκάτην Παλλάδι Τριτογενεῖ,
Κυδωνιάτας Κρησίλας εἰργάξατο.
- Simonides
ἐπὶ ἑξαμέτρῳ πεντάμετρον καὶ δύο τρίμετροι, εἶτα ἑξάμετρον Ἀργεῖος Δάνδης σταδιοδρόμος ἐνθάδε κεῖται,
νίκαις ἱππόβοτον πατρίδʼ ἐπευκλεΐσας,
Ὀλυμπίᾳ δίς, ἐν δὲ Πυθῶνι τρία,
δύω δʼ ἐν Ἰσθμῷ, πεντεκαίδεκʼ ἐν Νεμέᾳ·
τὰς δʼ ἄλλας νίκας οὐκ εὐμαρές ἐστʼ ἀριθμῆσαι.
- Anonymi Epigrammatici
ἐπὶ δύο ἑξαμέτροις πεντάμετρον εἰμὶ Δίκων υἱὸς Καλλιμβρότου· αὐτὰρ ἐνίκων
τετράκις ἐν Νεμέᾳ, δὶς Ὀλύμπια, πεντάκι Πυθοῖ,
τρὶς δʼ Ἰσθμῷ· στεφανῶ δʼ ἄστυ Συρακοσίων.
- Anonymi Epigrammatici
ἐπὶ τρισὶν ἑξαμέτροις πεντάμετρον. Σπάρτας μὲν βασιλῆες ἐμοὶ πατέρες καὶ ἀδελφοί·
ἅρμασι δʼ ὠκυπόδων ἵππων νικῶσα Κυνίσκα
εἰκόνα τάνδʼ ἔστησα. μόναν δέ με φαμι γυναικῶν
Ἑλλάδος ἐκ πάσας τόνδε λαβεῖν στέφανον.
- Anonymi Epigrammatici
ἐπὶ ἑξαμέτρῳ δίμετρον Ἰφίων ἔγραψεν ἑᾷ χερί, τόν ποκα ὕδωρ
ἔθρεψε Πειρήνης ἄπο.
- Parmeniscus
ἐπὶ ἑξαμέτρῳ ἑνδεκασύλλαβον χάλκεα ἔργα, λέγοισθε θοῆς ἐπινίκια πώλου,
ἥτις κεντροραγὴς βαλοῦσα παῖδα,
ψιλὴ λευρὸν ἔθυσε περὶ δρόμον. ἐκ δʼ ἄρʼ ἐκείνου
Παρμένων χρυσέης κύρησε νίκης.
Φώκριτε, σῷ δʼ ἄρα παιδὶ Ἀμυκλαΐδαι ˘ βασιλῆες
πατρῴων ἔδοσαν λαχεῖν ἀέθλων.
- Simonides
ἐπὶ ἑξαμέτρῳ ἑννεασύλλαβον ἄνθηκεν τόδʼ ἄγαλμα Κορίνθιος ὅσπερ ἐνίκα
ἐν Δελφοῖς ποσὶ Νικολᾴδας,
καὶ Παναθηναίοις στεφάνους λάβε πέντʼ ἐπʼ ἀέθλοις
ἑξῆς ἀμφιφορεῖς ἐλαίου·
Ἰσθμῷ δʼ ἐν ζαθέᾳ τρὶς ἐπισχερὼ οἶδεν ἑλόντα
ἀκτὴ Ποντομέδοντος ἆθλον·
καὶ Νεμέᾳ τρὶς ἐνίκησεν, καὶ τετράκις ἄλλα
Πελλάνᾳ, δύο δʼ ἐν Λυκαίῳ,
καὶ Τεγέᾳ, καὶ ἐν Αἰγίνᾳ, κρατερᾷ τʼ Ἐπιδαύρῳ,
καὶ Θήβᾳ, Μεγάρων τε δάμῳ·
ἐν δὲ Φλιοῦντι σταδίῳ, τά τε πέντε κρατήσας
ηὔφρανεν μεγάλαν Κόρινθον.
- Simonides
ἐπὶ ἑξαμέτρῳ ἐναλλὰξ τό τε κωμικὸν τετράμετρον δύο συλλαβαῖς λεῖπον καὶ τὸ Ἀρχιλόχειον σκάζον τρίμετρον
πατρίδα κυδαίνων ἱερὴν πόλιν Ὦπις Ἀθανᾶς,
τέκνον μελαίνης γῆς, χαρίεντας αὐλοὺς
τούσδε σὺν Ἡφαίστῳ τελέσας, ἀνέθηκʼ Ἀφροδίτῃ.καλοῦ,
δαμασθεὶς ἱμέρῳ Βρύσωνος.
- Theodoridas
ἐπὶ τῷ ἀρτίῳ τριμέτρῳ δίμετρον ἀπὸ τοῦ ὑπορχηματικοῦ πενταμέτρου Μνασάλκεος τὸ σᾶμα τῶ Πλαταΐδα,
τῶ λεγῃοποιῶ·
ἁ Μῶσα δʼ αὐτῶ τᾶς Σιμωνίδα πλάτας
ἦς ἀποσπάραγμα·
κενά τε κλαγγὰν κἀπιλακυθίστρια διθυραμβοχάνα.
τέθνακε, μὴ βάλωμες· εἰ δέ κε ζόεν,
τύμπανὸν κʼ ἐφύση.
- Phaedimus
ἐπὶ τριμέτρῳ ἀρτίῳ ἐπῳδὸν τετράμετρον ἡρωικὸν κατὰ τὴν παρεσχάτην σκάζον τόξον μέν, ᾧ Γίγαντος ὤλεσας σθένος,
ἴσχε βίης, Ἑκάεργʼ ἀνάσσων·
† οὒ οἱ φαρέτρη λύεται λυκοκτόνος·
τοῖσδε δʼ ἐπʼ ἠιθέοις ὀιστὸν ˘
στρέφειν Ἔρωτος, τόφρʼ ἀλέξωνται πάτρῃ,
θαρσαλέοι φιλότατι κούρων
πυροῖ γὰρ ἀλκήν,˘ καὶ θεῶν ὑπέρτατος
αἰὲν ὅδε προμάχους ἀέξειν.
Μελιστίωνος δʼ, ὦ πατρώιον σέβας
Σχοινιέων, ἐπίηρα δέχθαι.
- Asclepiades
ἐπὶ τετραμέτρῳ τῷ γεγονότι ἀπὸ ἀρτίου τριμέτρου κατὰ πρόσθεσιν βάσεως τελευταίας μείουρον τρίμετρον ἰὼ παρέρπων, μικρόν, εἴ τι κἀγκονεῖς, ἄκουσον
τὰ Βότρυος περισσὰ δῆτα κήδη,
ὃς πρέσβυς ὀγδώκοντʼ ἐτῶν τὸν ἐννέων ἔθαψεν
ἤδη τι τέχνᾳ καὶ σοφὸν λέγοντα.
φεῦ τὸν τεκόντα, φεῦ δὲ καὶ σέ, Βότρυος φίλος παῖ,
ὅσων ἄμοιρος ἡδονῶν ἀπώλευ.
- Callimachus
ἐπὶ τῇ τοὖ προάγοντος τετραμέτρου ἐσχάτῃ διποδίᾳ ἑνδεκασύλλαβον τὰ δῶρα τῇ Ἀφροδίτῃ
Σῖμον ἡ περίφοιτος εἰκόνʼ αὑτῆς
ἔθηκε, τήν τε μίτρην,
ἣ μαστοὺς ἐφίλησε τόν τε πανὸν
καὶ τοὺς ποτʼ ἀντίναξεν
ἀυτοῦσ’ ἀν ὄρη τάλαινα θύρσους.
- Callimachus
ἐπὶ διπλασιασθείσῃ τᾖ διποδίᾳ ἐπῳδὸς τετράμετρος, πλεονάζων μίᾳ συλλαβῇ τοὖ ἑξαμέτρου Δήμητρι τῇ Πυλαίῃ, τῇ τοῦτον οὑκ Πελασγῶν
Ἀκρίσιος τὸν νηὸν ἐδείματο, ταῦθʼ ὁ Ναυκρατίτης
καὶ τῇ κάτω θυγατρὶ τὰ δῶρα Τιμόδημος
εἵσατο, τῶν κερδέων δεκατεύματα· καὶ γὰρ εὔξαθʼ οὕτως.
- Simonides
ἐπὶ τῷ αὐτῷ ˘ τετραμέτρῳ μείουρον τρίμετρον μνήσομαι· οὐ γὰρ ἔοικεν ἀνώνυμον ἐνθάδʼ Ἀρχεναύτεω
κεῖσθαι θανοῦσαν ἀγλαὰν ἄκοιτιν,
Ξανθίππην Περιάνδρου ἀπέκγονον, ὃς ποθʼ ὑψιπύργου
σήμαινε λαοῖς τέρμʼ ἔχων Κορίνθου.
- Phalaecus
ἐπὶ τετραμέτρῳ τρίμετρον ἄρτιον, εἶθʼ ἑξάμετρον ἐναλλάξ Φῶκος ἐπὶ ξείνῃ μὲν ἀπέφθιτο· κῦμα γὰρ μέλαινα
νεῦς οὐχ ὑπεξήνεικεν, οὐδʼ % ἐδέξατο,
ἀλλὰ κατʼ Αἰγαίοιο πολὺν βυθὸν ˘ ᾤχετο πόντου,
βίῃ Νότου πρήσαντος ἐσχάτην ἅλα.
τύμβου δʼ ἐν πατέρων κενεοῦ λάχεν ὃν πέρι Προμηθὶς
μήτηρ, λυγρῇ ὄρνιθι πότμον εἰκέλη,
αἰαῖ κωκύει τὸν ἑὸν γόνον ἤματα πάντα,
λέγουσα τὸν πρόωρον ὡς ἀπέφθιτο.
27a. Callimachus
ἐπὶ τῷ αὐτῷ τετραμέτρῳ ἐνδεκασύλλαβον
- Simonides
ἐπὶ τῷ αὐτῷ τετραμέτρῳ τετράμετρον ὅμοιον τῷ εἴ μοι γένοιτο παρθένος καλή τε καί τέρεινα μία δὲ μόνον συλλαβῇ πλεονάζον· ἐπὶ τοῦ τετάρτου ποδὸς οὐκ ἔχει ἴαμβον, ἀλλʼ ἀνάπαιστον πολλάκι δὴ φυλῆς Ἀκαμαντίδος ἐν χοροῖσιν Ὧραι
ἀνωλόλυξαν κισσοφόροις ἐπὶ διθυράμβοις
αἱ Διονυσιάδες, μίτραισι δὲ καὶ ῥόδων ἀώτοις
σοφῶν ἀοιδῶν ἐσκίασαν λιπαρὰν ἔθειραν,
οἳ τόνδε τρίποδά σφισι μάρτυρα Βακχίων ἀέθλων
ἔθηκαν· κείνους δʼ Ἀντιγένης ἐδίδασκεν ἄνδρας.
εὖ δʼ ἐτιθηνεῖτο γλυκερὰν ὄπα Δωρίοις Ἀρίστων
Ἀργεῖος ἡδὺ πνεῦμα χέων καθαρῶς ἐν αὐλοῖς·
τῶν ἐχορήγησεν κύκλον μελίγηρυν Ἱππόνικος
Στρούθωνος υἱός, ἅρμασιν ἐν Χαρίτων φορηθείς,
αἳ οἱ ἐπʼ ἀνθρώπους ὄνομα κλυτὸν ἀγλαάν τε νίκαν
θῆκαν ἰοστεφάνων θεᾶν ἕκατι Μοισᾶν.
- Nicaenetus
ἐπὶ ἑξαμέτρῳ τρίμετρον οἶνός τοι χαρίεντι πέλει ταχὺς ἵππος ἀοιδῷ·
ὕδωρ δὲ πίνων οὐδὲν ἂν τέκοις σοφόν.
τοῦτʼ ἔλεγεν, Διόνυσε, καὶ ἔπνεεν οὐχ ἑνὸς ἀσκοῦ
Κρατῖνος, ἀλλὰ παντὸς ὠδώδει πίθου.
τοιγὰρ ὑπὸ στεφάνοις μέγας ἔβρυεν, εἶχε δὲ κισσῷ
μέτωπον ὥσπερ καὶ σὺ κεκροκωμένον.
- Simonides
ἑξάμετρος καὶ οὗτος τροχαϊκὸς τετράμετρος κατὰ μετάθεσιν τῆς λέξεως
Μοῦσά μοι Ἀλκμήνης καλλισφύρου υἱὸν ἄειδε.
υἱὸν Ἀλκμήνης ἄειδε Μοῦσά μοι καλλισφύρου.
- Timocreon
ὁμοίως Κηία με προσῆλθε φλυαρία οὐκ ἐθέλοντα.
οὐκ ἐθέλοντά με προσῆλθε Κηΐα φλυαρία.