The dispositions and the intellectual creation

SK 43

sāṃsiddhikāś ca bhāvāḥ prākṛtikā vaikṛtāś ca dharmādyāḥ dṛṣṭāḥ karaṇāśrayiṇaḥ kāryāśrayiṇaś ca kalalādyāḥ.

SK 44

dharmeṇa gamanam ūrdhvaṃ gamanam adhastād bhavaty a-dharmeṇa jñānena cā ’pavargo viparyayād iṣyate bandhaḥ.

SK 45

vai-rāgyāt prakṛti-layaḥ saṃsāro bhavati rājasād rāgāt aiśvaryād a-vighāto viparyayāt tad-viparyāsaḥ.

SK 46

eṣa pratyaya-sargo viparyayāśakti-tuṣṭi-siddhy-ākhyaḥ guṇa-vaiṣamya-vimardāt tasya ca bhedās tu pañcāśat.

SK 47

pañca viparyaya-bhedā bhavanty a-śakteś ca karaṇa-vaikalyāt aṣṭāviṃśati-bhedās tuṣṭir navadhā ’ṣṭadhā siddhiḥ.

SK 48

bhedas tamaso ’ṣṭa-vidho mohasya ca daśa-vidho mahā-mohaḥ tāmisro ’ṣṭā-daśadhā tathā bhavaty andha-tāmisraḥ.

SK 49

ekādaśendriya-vadhāḥ saha buddhi-vadhair a-śaktir uddiṣṭā saptadaśa vadhā buddher viparyayāt tuṣṭi-siddhīnām.

SK 50

ādhy-ātmikāś catasraḥ prakṛty-upādāna-kāla-bhāgyākhyāḥ bāhyā viṣayoparamāc ca pañca nava tuṣṭayo ’bhimatāḥ.

SK 51

ūhaḥ śabdo ’dhyayanaṃ duḥkha-vighātās trayaḥ su-hṛt-prāptiḥ dānaṃ ca siddhayo ’ṣṭau siddheḥ pūrvo ’ṅkuśas tri-vidhaḥ.

SK 52

na vinā bhāvair liṅgaṃ na vinā liṅgena bhāva-nirvṛttiḥ liṅgākhyo bhāvākhyas tasmād dvi-vidhaḥ pravartate sargaḥ.