Twenty-eightfold incapacity

Tats_13

aṣṭāviṃśatidhāśaktiḥ ||

Tats_13.c1

jaḍatvakuṣṭikubjatvarūpatāghrāṇatvamūkatvasupaṅgutāśca / kuṇirgudāvartti ca ṣaṇḍhatā ca unmāda ityeṣa nirūpito 'yam //

Tats_13.c2

ekādaśendriyavadho bādhiryādisvarūpataḥ / buddhervadhaḥ saptadaśa tuṣṭisiddhiviparyayaḥ //

Tats_13.c3

nāsti pradhānamiti yā pratipattirajambhikā / na mahānityasalilā nāyācchā cānahaṃkṛtau //

Tats_13.c4

na vā 'styadṛṣṭistanmātrapañcakaṃ bhūtakāraṇam / sarvamevedaṃ brahmeti brahmaiva san brahmāpyeti / yathā vedāntināṃ tadvat sāṃkhyānāmīdṛśī matiḥ //

Tats_13.c5

asutā viṣayārjane pravṛttiḥ sutarā parirakṣaṇe pravṛttiḥ / krayadoṣamapaśyato dhane pravṛttiḥ asunetrā parikīrttyate hi sāṃkhyaiḥ //

Tats_13.c6

akurmarīcikābhogaśaktirhiṃsādyapaśyataḥ / anuttambhāmbhasikā doṣabhogādambhaḥ pravarttanam //

Tats_13.c7

navadhā kathitā hyete tatra tuṣṭirviparyayāḥ / kathyante siddhayo hyaṣṭau te 'mī siddhiviparyayāḥ //

Tats_13.c8

nānātvamūhamānasya siddhamekamatārakam / viparītagrahaḥ śabdaśravaṇādasutārakam //

Tats_13.c9

nānātvajño mukta iti śrutvaikajño na muktibhāk / atārayantamajñānāsadacchāstraniveśataḥ / duḥkhitasyāpyanudvegādapramodā hi saṃsṛtau //

Tats_13.c10

apramudaṃ tadajñānapramuditamapramodamānaṃ vā / asamyagvacanādapyuparodhena vā gurau //

Tats_13.c11

abhāgyasya na siddhiḥ syāt jñāne tat samudīritam / snigdhasaṃsargato jñānottarājñānamaramyakam //

Tats_13.c12

vyākhyātāḥ pūrvarītyāṣṭāvete siddhiviparyayāḥ / aṣṭāviṃśatidhā 'śaktirvyākhyātobhayayogataḥ //