Emanation: how the one Lord manifests the fourfold universe and the 36 tattvas

PS_4

nijaśaktivaibhavabharād aṇḍacatuṣṭayam idaṃ vibhāgena | śaktir māyā prakṛtiḥ pṛthvī ceti prabhāvitaṃ prabhuṇā

PS_5

tatrāntar viśvam idaṃ vicitratanukaraṇabhuvanasaṃtānam | bhoktā ca tatra dehī śiva eva gṛhītapaśubhāvaḥ

PS_6

nānāvidhavarṇānāṃ rūpaṃ dhatte yathāmalaḥ sphaṭikaḥ | suramānuṣapaśupādaparūpatvaṃ tadvad īśo 'pi

PS_7

gacchati gacchati jala iva himakarabimbaṃ sthite sthitiṃ yāti | tanukaraṇabhuvanavarge tathāyam ātmā maheśānaḥ

PS_8

rāhur adṛśyo 'pi yathā śaśibimbasthaḥ prakāśate tadvat | sarvagato 'py ayam ātmā viṣayāśrayaṇena dhīmukure

PS_9

ādarśe malarahite yadvad vadanaṃ vibhāti tadvad ayam | śivaśaktipātavimale dhītattve bhāti bhārūpaḥ

PS_10

bhārūpaṃ paripūrṇaṃ svātmani viśrāntito mahānandam | icchasaṃvitkaraṇair nirbharitam anantaśaktiparipūrṇam

PS_11

sarvavikalpavihīnaṃ śuddhaṃ śāntaṃ layodayavihīnam | yat paratattvaṃ tasmin vibhāti ṣaṭṭriṃśadātma jagat

PS_12

darpaṇabimbe yadvan nagaragrāmādicitram avibhāgi | bhāti vibhāgenaiva ca parasparaṃ darpaṇād api ca

PS_13

vimalatamaparamabhairavabodhāt tadvad vibhāgaśūnyam api | anyonyaṃ ca tato 'pi ca vibhaktam ābhāti jagad etat

PS_14

śivaśaktisadāśivatām īśvaravidyāmayīṃ ca tattvadaśām | śaktīnāṃ pañcānāṃ vibhaktabhāvena bhāsayati