Bondage: self-veiling māyā, the six sheaths, and the unfolding of the psycho-cosmic categories

PS_15

paramaṃ yat svātantryaṃ durghaṭasaṃpādanaṃ maheśasya | devī māyāśaktiḥ svātmāvaraṇaṃ śivasya itat

PS_16

māyāparigrahavaśād bodho malinaḥ pumān paśur bhavati | kālakalāniyatibalād rāgāvidyāvaśena saṃbaddhaḥ

PS_17

adhunaiva kiṃcid evedam eva sarvātmanaiva jānāmi | māyāsahitaṃ kañcukaṣaṭkam aṇor antaraṅgam idam uktam

PS_18

kambukam iva taṇḍulakaṇaviniviṣṭaṃ bhinnam apy abhidā | bhajate tat tu viśuddhiṃ śivamārgaunmukhyayogena

PS_19

sukhaduḥkhamohamātraṃ niścayasaṃkalpanābhimānāc ca | prakṛtir athāntaḥkaranaṃ buddhimano'haṃkṛtikramaśaḥ

PS_20

śrotraṃ tvagakṣirasanā ghrāṇaṃ buddhīndriyāṇi śabdādau | vākpāṇipādapāyūpasthaṃ karmendriyāṇi punaḥ

PS_21

eṣāṃ grāhyo viṣayaḥ sūkṣmaḥ pravibhāgavarjito yaḥ syāt | tanmātrapañcakaṃ tat śabdaḥ sparśo maho raso gandhaḥ

PS_22

etatsaṃsargavaśāt sthūlo viṣayas tu bhūtapañcakatām | abhyeti nabhaḥ pavanas tejaḥ salilaṃ ca pṛthvī ca

PS_23

tuṣa iva taṇḍulakaṇikām āvṛṇute prakṛtipūrvakaḥ sargaḥ | pṛthvīparyanto 'yaṃ caitanyaṃ dehabhāvena

PS_24

param āvaraṇaṃ mala iha sūkṣmaṃ māyādikañcukaṃ sthūlam | bāhyaṃ vigraharūpaṃ kośatrayaveṣṭito hy ātmā