The states of consciousness and the untouched supreme

PS_34

sṛṣṭisthitisaṃhārā jāgratsvapnau suṣuptam iti tasmin | bhānti turīye dhāmani tathāpi tair nāvṛtaṃ bhāti

PS_35

jāgrad viśvaṃ bhedāt svapnas tejaḥ prakāśamāhātmyāt | prājñaḥ suptāvasthā jñānaghanatvāt tataḥ paraṃ turyam

PS_36

jaladharadhūmarajobhir malinīkriyate yathā na gaganatalam | tadvan māyāvikṛtibhir aparāmṛṣṭaḥ paraḥ puruṣaḥ

PS_37

ekasmin ghaṭagagane rajasā vyāpte bhavanti nānyāni | malināni tadvad ete jīvāḥ sukhaduḥkhabhedajuṣaḥ

PS_38

śānte śānta ivāyaṃ hṛṣṭe hṛṣṭo vimohavati mūḍhaḥ | tattvagaṇe sati bhagavān na punaḥ paramārthataḥ sa tathā

PS_39

yad anātmany api tadrūpāvabhāsanaṃ tat purā nirākṛtya | ātmany anātmarūpāṃ bhrāntiṃ vidalayati paramātmā

PS_40

itthaṃ vibhramayugalakasamūlavicchedane kṛtārthasya | kartavyāntarakalanā na jātu parayogino bhavati