Resolution of doubts on conduct free of conceptual elaboration (Chapter Ten)

CMP 10.1

mahāṭavīpradeśeṣu phalapuṣpādyalaṅkṛte / parvate vijane sādhyamidaṃ dhyānasamuccayam //

CMP 10.2

sevayan kāmaguṇān pañca jñānārthirāgiṇaḥ sadā // iti /

CMP 10.3

kāyavākcittavajrāṇāṃ kāyavākcittabhāvanam / svarūpeṇaiva tatkāryaṃ laghusiddhiravāpyate //

CMP 10.4

jaṭāmukuṭadharaṃ bimbaṃ sitavarṇanibhaṃ mahat / kārayed vidhivat sarvaṃ mantrasaṃvarasaṃvṛtam //

CMP 10.5

ṣoḍaśābdikāṃ gṛhya sarvālaṅkārabhūṣitām / cāruvaktrāṃ viśālākṣīṃ prāpya vidyāvrataṃ caret //

CMP 10.6

locanāpadasaṃbhogairvajracinhaistu bhāvayet / mudrāmantravidhānajñāṃ mantratantrasuśikṣitām //

CMP 10.7

kuryāt tāthāgatīṃ bhāryāṃ buddhabodhipratiṣṭhitām / guhyapūjāṃ prakurvīta catuḥsattvāṃ(sandhyaṃ) mahāvratī //

CMP 10.8

kandamūlaphalaiḥ sarvaṃ bhojyabhakṣyaṃ samārabhet / evaṃ buddho bhavecchīghraṃ mahājñānodadhiḥ prabhuḥ //

CMP 10.9

ṣaṇmāsenaiva tatsarvaṃ prāpnuyānnātra saṃśayaḥ / vane bhikṣāṃ bhramennityaṃ sādhako dṛḍhaniścayaḥ //

CMP 10.10

dadanti te bhaya[tra]stā bhojanaṃ divyamaṇḍitam / atikramanti yadi vajrātmā nāśaṃ vajrākṣaraṃ bhavet //

CMP 10.11

surīṃ nāgīṃ mahāyakṣīmasurīṃ mānuṣīmapi / prāpya vidyāvrataṃ kāryaṃ trivajrajñānasevitam // iti /

CMP 10.12

dvayendriyasamāpattyā vyāyāmavidhirantare / harṣacittaṃ muneḥ siddhau mahāsukhamiti smṛtam //

CMP 10.colophon

niṣprapañcacaryāmelāvaṇasaṃśayaparicchedo daśamaḥ // 10 //