The five sources of action

Tats_9

pañca karmayonayaḥ ||

Tats_9.c1

dhṛtiḥ śraddhā sukhecchā vividiṣā tadabhāvakau / sāmānyataḥ samuddiṣṭāḥ pañcaite karmayonayaḥ //

Tats_9.c2

vāci karmaṇi saṃkalpe pratītiryābhirajyate / tanniṣṭhastatpratiṣṭhaśca dhṛteretaddhi lakṣaṇam //

Tats_9.c3

anasūyā brahmacaryaṃ yajanaṃ yājanaṃ tapaḥ / pratigrahaśca homaśca śraddhāyā lakṣaṇaṃ smṛtam //

Tats_9.c4

sukhaṃ sukhārthī seveta vidyā karma tapāṃsi ca / prāyaścittaparo nityaṃ sukheyaṃ parikīrttitā //

Tats_9.c5

viṣadhūmamūrchitavad vividiṣā dhyānināṃ prajñāyoniḥ / ekatvaṃ ca pṛthaktvaṃ ca nityaṃ vedamacetanam //

Tats_9.c6

sūkṣmasatkāryasaṃkṣobhyaṃ jñeyā vividiṣā hi sā / kāryakaraṇakṣamakarī vividiṣā prākṛtī vṛttiḥ //

Tats_9.c7

dhṛtiḥ śraddhā vividiṣā sukhā ceti catuṣṭayam / jñeyaṃ bandho vividiṣā mokṣāya parikalpitā / karmayonisvarūpo 'yaṃ viśiṣya parikīrttitaḥ //