Prapāṭhaka 8

8.1

vidā maghavan vidā gātumanuśaṃsiṣo diśaḥ . śikṣā śacīnāṃ pate pūrvīṇāṃ purūvaso

8.2

ābhiṣṭvamabhiṣṭibhiḥ svā '3rnnāṃśuḥ . pracetana pracetayendra dyumnāya na iṣe

8.3

evā hi śakro rāye vājāya vajrivaḥ . śaviṣṭha vajrinnṛñjase maṃhiṣṭha vajrinnṛñjasa . ā yāhi piba matsva

8.4

vidā rāye suvīryaṃ bhavo vājānāṃ patirvaśāṃ anu . maṃhiṣṭha vajrinnṛñjase yaḥ śaviṣṭhaḥ śūrāṇām

8.5

yo maṃhiṣṭho maghonāmṃśurnna śociḥ . cikitvo abhi no nayeṃdro vide tamu stuhi

8.6

īśe hi śakrastamūtaye havāmahe jetāramaparājitam . sa naḥ svarṣadati dviṣaḥ kratuśchanda ṛtaṃ bṛhat

8.7

indraṃ dhanasya sātaye havāmahe jetāramaparājitam . sa naḥ svarṣadati dviṣaḥ sa naḥ svarṣadati dviṣaḥ

8.8

pūrvasya yatte adrivoṃ 'śurmadāya . sumna ā dhehi no vaso pūrtiḥ śaviṣṭha śasyate . vaśī hi śakro nūnaṃ tannavyaṃ saṃnyase

8.9

prabho janasya vṛtrahantsamaryeṣu bravāvahai . śūro yo goṣu gacchati sakhā suśevo advayuḥ

8.10

evāhyo '3 '3 '3vā . evā hyagne . evāhīndra . evā hi pūṣan . evā hi devāḥ Oṃ evāhi devāḥ