Prapāṭhaka 10

10.1

abhi pra gopatiṃ girendramarca yathā vide . mūnuṃ satyasya satpatim kaste jāmirjanānāmagne ko dāśvadhvaraḥ . ko ha kasminnasi śritaḥ abhi tvā pūrvapītaya indra stomebhirāyavaḥ . samīcīnāsa ṛbhavaḥ samasvaranrudrā gṛṇanta pūrvyam

10.2

ā harayaḥ sasṛjrire 'ruṣīradhi barhiṣi . yatrābhi saṃnavāmahe tvaṃ jāmirjanānāmagne mitro asi priyaḥ . sakhā sakhibhya īḍyaḥ asyedindro vāvṛdhe vṛṣṇyaṃ śavo made sutasya viṣṇavi . adyā tamasya mahimānamāyavo 'nu ṣṭuvanti pūrvathā

10.3

indrāya gāva āśiraṃ duduhre vajriṇe madhu . yatsīmupahvare vidat yajā no mitrāvaruṇā yajā devāṃ ṛtaṃ bṛhat . agne yakṣi svaṃ damam

10.4

upa brahmāṇi savanāni vṛtrahanparamajyā ṛcīṣama samagniridhyate vṛṣā indrāgnī iṣa ā vṛṇe

10.5

tvaṃ dātā prathamo rādhasāmasyasi satya īśānakṛt . tuvidyumnasya yujyā vṛṇīmahe putrasya śavaso mahaḥ vṛṣo agniḥ samidhyate 'śvo na devavāhanaḥ . taṃ haviṣmanta īḍate indrāgnī navatiṃ puro dāsapatnīradhūnutam . sākamekena karmaṇā

10.6

vṛṣaṇaṃ tvā vayaṃ vṛṣanvṛṣaṇaḥ samidhīmahi . agne dīdyataṃ bṛhat indrāgnī apasasparyupa pra yanti dhītayaḥ . ṛtasya pathyā ' '3 anu

10.7

indrāgnī taviṣāṇī vāṃ sadhasthāni prayāṃsi ca . yuvoraptūryaṃ hitam

10.8

indramabhi jāyamānaṃ samasvaran agne śukrāsa īrate bhagaṃ na hi tvā yaśasaṃ vasuvidamanu śūra carāmasi

10.9

ādīṃ ke citpaśyamānāsa āpyaṃ vasuruco divyā abhyanūṣata . divo na vāraṃ savitā vyūrṇute upa tvā juhvo3 mama ghṛtācīryantu haryata . agne havyā juṣasva naḥ pauro aśvasya purukṛdgavāmasyutso deva hiraṇyayaḥ . na kirhi dānaṃ pari mardhiṣatve yadyadyāmi tadā bhara

10.10

adha yadime pavamāna rodasī imā ca viśvā bhuvanābhi majmanā . yūthe na niṣṭhā vṛṣabho vi rājasi mandraṃ hotāramṛtvijaṃ citrabhānuṃ vibhāvasum . agnimīḍe sa u śravat

10.11

agne deveṣu pra vocaḥ pāhi gīrbhistisṛbhirūrjāṃ pate pāhi catasṛbhirvaso udvāvṛṣasva madhavangaviṣṭaya udindrāśvamiṣṭaye

10.12

vibhaktāsi citrabhāno sindhorūrmā upāka ā . sadyo dāśuṣe kṣarasi pāhi viśvasmādrakṣaso arāvṇaḥ pra sma vājeṣu no 'va . tvāmiddhi nediṣṭhaṃ devatātaye āpiṃ nakṣāmahe vṛdhe tvaṃ purū sahasrāṇi śatāni ca yūthā dānāya maṃhase . ā purandaraṃ cakṛma vipravacasa indraṃ gāyanto 'vase

10.13

ā no bhaja parameṣvā vājeṣu madhyameṣu . śikṣā vasvo antamasya

10.14

ahaṃ sūrya ivājani cikidvi bhāti bhāsā bṛhatāsiknīmeti ruśatīmapājan madhorna pātrā prathamānyasmai pra stomā yantvagnaye

10.15

ahaṃ pratnena janmanā giraḥ śumbhāmi kaṇvavat . yenendraḥ śuṣmamiddadhe kṛṣṇāṃ yadenīmabhi varpasābhūjjanayanyoṣāṃ bṛhataḥ piturjām . ūrdhvaṃ bhānuṃ sūryasya stabhāyandivo vasubhiraratirvi bhāti aśva na gīrbhī rathyaṃ sudānavo marmṛjyante devayavaḥ . ubhe toke tanaye dasma vispate parṣi rādho maghonām

10.16

ye tvāmindra na tuṣṭuvurṛṣayo ye ca tuṣṭuvuḥ . mamedvardhasva suṣṭutaḥ bhadro bhadrayā sacamāna āgātsvasāraṃ jāro abhyeti paścāt . supraketairdyubhiragnirvitiṣṭhanruśadbhirvarṇairabhi rāmamasthāt

10.17

ye devatrā ya āyuṣu tebhirno mahayā giraḥ kayā te agne aṅgira ūrjo napādupastutim . varāya deva manyave tvāmavasyurā cake

10.18

pra sa viśvebhiragnibhiragniḥ sa yasya vājinaḥ . tanaye toke asmadā samyaṅvājaiḥ parīvṛtaḥ dāśema kasya manasā yajñasya sahaso yaho . kadu voca idaṃ namaḥ

10.19

tvaṃ no agne agnibhirbrahma yajñaṃ ca vardhaya . tvaṃ no devatātaye rāyo dānāya codaya adhā tvaṃ hi naskaro viśvā asmabhyaṃ sukṣitīḥ . vājadraviṇaso giraḥ

10.20

sa tvaṃ no vīra vīryāya codaya ā tvāmanaktu prayatā haviṣmatī yajiṣṭhaṃ barhirāsade kayā stotṛbhya ā bhara

10.21

abhyabhi hi śravasā tatardithotsaṃ na kaṃ cijjanapānamakṣitam . śaryābhirna bharamāṇo gabhastyoḥ acchā hi tvā sahasaḥ sūno aṅgiraḥ srucaścarantyadhvare . ūrjo napātaṃ ghṛtakeśamīmahe 'gniṃ yajñeṣu pūrvyam

10.22

ajījano amṛta martyāya amṛtasya dharmannamṛtasya cāruṇaḥ . sadāsaro vājamacchā saniṣyadat

10.23

pra rādhāṃsi codayate mahitvanā acchā yajñāso namasā purūvasuṃ purupraśastamūtaye indraṃ samīke vanino havāmaha indraṃ dhanasya sātaye

10.24

upo harīṇāṃ patiṃ rādhaḥ pṛñcantamabravam . nūnaṃ śrudhi stuvato aśvyasya agniṃ sūnuṃ sahaso jātavedasaṃ dānāya vāryāṇām . dvitā yo bhūdamṛto martyeṣvā hotā mandratamo viśi indro mahnā rodasī paprathacchava indraḥ sūryamarocayat . indre ha viśvā bhuvanāni yemira indre suvānāsa indavaḥ

10.25

na hyāṅ3ga purā ca na jajñe vīratarastvat . na kī rāyā naivathā na bhandanā

10.26

patiṃ vo aghnyānāṃ dhenūnāmiṣudhyasi tūrṇī rathaḥ sadā navaḥ muhyantvanye abhito janāsa ihāsmākaṃ maghavā sūrirastu

10.27

abhi prayāṃsi vāhasā dāśvāṃ aśnoti martyaḥ . kṣayaṃ pāvakaśociṣaḥ

10.28

sāhvānviśvā abhiyujaḥ kraturdevānāmamṛktaḥ . agnistuviśravastamaḥ

10.29

udvā siñcadhvamupa vā pṛṇadhvamādidvo deva ohate bhadrā uta praśastayaḥ dhārā pṛṣṭhasya rocate punāno aruṣo hariḥ . viśvā yadrūpā pariyāsyṛkvabhiḥ saptāsyebhirṛkvabhiḥ

10.30

taṃ hotāramadhvarasya pracetasaṃ vahniṃ devā akṛṇvata . dadhāti ratnaṃ vidhate suvīryamagnirjanāya dāśuṣe bhadraṃ manaḥ kṛṇuṣva vṛtratūrye yenā samatsu sāsahiḥ . ava sthirā tanuhi bhūri śardhatāṃ vanemā te abhiṣṭaye prācīmanu pradiśaṃ pāti cekitatsaṃ raśmibhiryatate darśato ratho daivyo darśato rathaḥ . agmannukthāni pauṃsyendraṃ jaitrāya harṣayata . vajraśca yadbhavatho anapacyutā samatsvanapacyutā

10.31

tvaṃ ha tyatpaṇīnāṃ vido vasu saṃ mātṛbhirmarjayasi sva ā dama ṛtasya dhītibhirdame . parāvato na sāma tadyatrā raṇanti dhītayaḥ . tridhātubhiraruṣībhirvayo dadhe rocamāno vayo dadhe

10.32

upoṣu jātamāryasya vardhanamagniṃ nakṣantu no giraḥ asme dehi jātavedo mahi śravaḥ nṛvatkṛṇuhyūtaye

10.33

yasmādrejanta kṛṣṭayaścarkṛtyāni kṛṇvataḥ . sahasrasāṃ medhasātāviva tmanāgniṃ dhībhirnamasyata sa idhāno vasuṣkaviragnirīḍenyo girā . revadasmabhyaṃ purvaṇīka dīdihi

10.34

pra daivodāso agnirdeva indro na majmanā . anu mātaraṃ pṛthivīṃ vi vāvṛte tasthau nākasya śarmaṇi kṣapo rājannuta tmanāgne vastorutoṣasaḥ . sa tigmajambha rakṣaso daha prati

10.35

āre bādhasva ducchunām agniṃ vo duryaṃ vaca stuṣe śūṣasya manmabhiḥ vidā kāmasya venataḥ

10.36

agnirṛṣiḥ pavamānaḥ pāñcajanyaḥ purohitaḥ . tamīmahe mahāgayam yaṃ janāso haviṣmanto mitraṃ na sarpirāsutim . praśaṃsanti praśastibhiḥ

10.37

agne pavasva svapā asme varcaḥ suvīryam . dadhadrayiṃ mayi yoṣam panyāṃsaṃ jātavedasaṃ yo devatātyudyatā . havyānyairayaddivi

10.38

ā devānvakṣi yakṣi ca vipraṃ hotāraṃ puruvāramadruhaṃ kaviṃ sumnairīmahe jātavedasam sumṛḍīkā bhavantu naḥ

10.39

taṃ tvā ghṛtasnavīmahe citrabhāno svardṛśam . devāṃ ā vītaye vaha tvāṃ dūtamagne amṛtaṃ yugeyuge havyavāhaṃ dadhire pāyumīḍyam. devāsaśca marttāsaśca jāgṛviṃ vibhuṃ viśpatiṃ namasā ni ṣedire

10.40

vītihotraṃ tvā kave dyumantaṃ samidhīmahi . agne bṛhantamadhvare vibhūṣannagna ubhayāṃ anu vratā dūto devānāṃ rajasī samīyase . yatte dhītiṃ sumatimāvṛṇīmahe 'dha smā nastrivarūthaḥ śivo bhava

10.41

viśvāsu dhīṣu vandya vāyoranīke asthiran śucī upa praśastaye

10.42

ā no agne rayiṃ bhara satrāsāhaṃ vareṇyam . viśvāsu pṛtsu duṣṭaram yasya tridhātvavṛtaṃ barhistasthāvasandinam . āpaścinni dadhā padam punāne tanvā mithaḥ svena dakṣeṇa rājathaḥ . ūhyāthe sanādṛtam

10.43

ā no agne sucetunā rayiṃ viśvāyupoṣasam . mārḍīkaṃ dhehi jīvase padaṃ devasya mīḍhuṣo 'nādhṛṣṭābhirūtibhiḥ . bhadrā sūrya ivopadṛk mahī mitrasya sādhathastarantī pipratī ṛtam . pari yajñaṃ ni ṣedathuḥ

10.44

tena jeṣma dhanaṃdhanam vacastaccinna ohate

10.45

yayā gā ākarāmahai senayāgne tavotyā . tāṃ no hinva maghattaye stotraṃ rādhānāṃ pate girvāho vīra yasya te . vibhūtirastu sūnṛtā

10.46

āgne sthūraṃ rayiṃ bhara pṛthuṃ gomantamaśvinam . aṅdhi khaṃ varttayā pavim ūrdhvastiṣṭhā na ūtaye 'sminvāje śatakrato . samanyeṣu bravāvahai

10.47

agne nakṣatramajaramā sūryaṃ rohayo divi . dadhajjyotirjanebhyaḥ

10.48

agne keturviśāmasi preṣṭhaḥ śreṣṭha upasthasat . bodhā stotre vayo dadhat

10.49

apāṃ retāṃsi jinvati ubhā karṇā hiraṇyayā

10.50

īśiṣe vāryasya hi dātrasyāgne svaḥpatiḥ . stotā syāṃ tava śarmaṇi abhyāramidadrayo niṣiktaṃ puṣkare madhu . avaṭasya visarjane

10.51

udagne śucayastava śukrā bhrājanta īrate . tava jyotīṃṣyarcayaḥ siñcanti namasāvaṭamuccācakraṃ parijmānam . nīcīnabāramakṣitam

10.52

mahatte vṛṣṇo abhicakṣyaṃ kṛtaṃ paśyema turvaśaṃ yadum

10.53

savyāmanu sphigyaṃ vāvase vṛṣnā na dāno asya roṣati . madhvā saṃpṛktāḥ sāragheṇa dhenavastūyamehi dravā piba

10.54

pāvakavarṇāḥ śucayo vipaścito 'bhi stomairanūṣata

10.55

ayaṃ sahasramṛṣibhiḥ sahaskṛtaṃ samudra iva paprathe . satyaḥ so asya mahimā gṛṇe śavo yajñeṣu viprarājye

10.56

tiraścidarye ruśame pavīravi tubhyetso ajyate rayiḥ

10.57

turaṇyavo madhumantaṃ ghṛtaścataṃ viprāso arkamānṛcuḥ . asme rayiḥ paprathe vṛṣṇyaṃ śavo 'sme svānāsa indavaḥ

10.58

śuciṃ ca varṇamadhi goṣu dhārya

10.59

sa no harīṇāṃ pata indo devapsarastamaḥ . sakheva sakhye naryo ruce bhava

10.60

sanemi tvamasmadā adevaṃ kaṃ cidatriṇam . sāhvāṃ indo pari bādho apa dvayum

10.61

sindhoru 'cchvāse patayantamukṣaṇaṃ hiraṇyapāvāḥ paśumapsu gṛbhṇate

10.62

vipaścite pavamānāya gāyata mahī na dhārātyandho arṣati . ahirna jūrṇāmati sarpati tvacamatyo na krīḍannasaradvṛṣā hariḥ

10.63

agrego rājāpyastaviṣyate vimāno ahnāṃ bhuvaneṣvarpitaḥ . harirghṛtasnuḥ sudṛśīko arṇavo jyotīrathaḥ pavate rāya okyaḥ